Oksigjenimi i lëkurës

Çfarë është oksigjenimi i lëkurës dhe pse është i rëndësishëm?

Kur vjen puna tek kujdesi i lëkurës, pyet njëherë veten, po trajton thjesht sipërfaqen e saj apo mënyrën sesi ajo funksionon? Kur zgjedhim të oksigjenojmë lëkurën, qelizat dhe indet që e përbëjnë atë, do të transformohen plotësisht. Ti do të jesh e aftë të përmirësosh mënyrën sesi lëkura do të sillet. Oksigjenimi nuk është një mënyrë për t’i rënë shkurt por është një lloj kujdesi që do ta lejojë lëkurën të funksionojë shëndetshëm për një kohë të gjatë.

Oksigjeni është baza, themeli i mirëqënies së lëkurës dhe organizmit. Çdo qelizë në trupin tonë, që të funksionojë sa më mirë, ka nevojë për oksigjen dhe lëkura sigurisht që nuk bën përjashtim.

Duke i siguruar oksigjen lëkurës sonë ne po stimulojmë ndërrimin e qelizave, përmirësimin e qarkullimit të gjakut madje edhe aftësitë vetë-shëruese të saj. Kjo do të thotë që do të kemi lëkurë vitale me shkëlqim, të plotë dhe tonike, pa kapilarë apo skuqje dhe mbi të gjitha pa grumbullim uji (e cila jep ndjesinë e një fytyre të fryrë).

E kundërta ndodh nëse lëkurës i mungon oksigjeni. Ajo do të duket si e shuar, e zbehtë dhe plot me njolla. Sigurisht që oksigjeni gjendet kudo përreth nesh, ajo që përbën ndryshimin është aftësia për ta përthithur ndërkohë që vitet kalojnë (pra sa më shumë kalojnë vitet aq më shumë ulet aftësia e organizmit për ta përvetësuar, mbajtur dhe përdorur oksigjenin).

Shpërndarja në sasi të mjaftueshme e oksigjenit tek qelizat tona, mund të arrihet nëpërmjet ushqimit cilësor natyral, aktivitetit fizik dhe duke ndërthurur mënyra të ndryshme të kujdesit ndaj lëkurës. Duhet t’i japim theksin e duhur të trejave këtyre në mënyrë që të arrihet rezultati i duhur:

Ushqimi

Aktiviteti sportiv

Trajtimi me produktet dhe mënyrat e duhura

Disa këshilla mbi oksigjenimin e lëkurës

Për ta zbukuruar lëkurën nëpërmjet oksigjenimit dhe si rjedhojë për të nxitur edhe rinovimin e qelizave, zgjidhni produkte të pasura natyrale të cilat mund të ndihmojnë në shpërndarjen e oksigjenit. Shpërndarje e oksigjenit nëpër qeliza do të thotë përmirësim i metabolizmit të tyre.

Një produkt shumë i këshilluar është vaji i pastër i Makadamias pasi vetëm ai (varjanti i papërpunuar) përmban squalene dhe squaleni është një mrekulli kur vjen puna në përmirësimin e funksioneve bionatyrale të lëkurës. Kemi përmendur se lëkura  jonë në mënyrë të natyrshme prodhon squalene por kjo aftësi e saj pakësohet rreth moshës 20 vjeç. 

Squaleni i Makadamias e hidraton dhe mbron lëkurën dhe sigurisht që bën një punë të shkëlqyer në shpërndarjen e oksigjenit në mënyrë të njëtrajtshme.

Makadamia, është një produkt marke shumë i rëndësishëm në shumëllojshmërinë e produkteve Arbëria dhe produkt marke do të thotë produkt i një cilësie të pagabueshme dhe vështirësisht të arritshme.

Ju mund ta përdorni çdo ditë për të përmirësuar dhe nxitur rinovimin e qelizave (zëvendësimin e qelizave të vjetra me ato të reja, më shpejt).

 

Aktiviteti fizik

Një mënyrë tjetër shumë e bukur për të shpërndarë oksigjen nëpër trupin tonë, është aktiviteti fizik. Kulturat e fitness’it dhe jogës çdo ditë e me shumë po përqafohen nga njerëz të moshave të ndryshme dhe ky është një hap para në përmirësimin e përgjithshëm të shëndetit mendor dhe atij fizik.  

Me këtë ne nuk përmirësojmë vetëm funksionin e organizmit por edhe atë të lëkurës. Ajo rigjenerohet dhe vetë-shërohet dhe kushdo që merret me sport dhe joga, dallon edhe zbehje të shenjave/gropave të akneve, rudhave apo njollave kafe për vetë faktin se rritet sasia e oksigjenit dhe shpërndarja e tij në mënyrë të barabartë.

Një mënyrë tjetër e bukur dhe çlodhëse është vetë-masazhi.

Shumë mjekë dhe dermatologë të suksesshëm e këshillojnë teknikën e vetë-masazhit. Ju mund ta praktikoni atë në çdo orë të ditës (pa qenë nevoja të drejtoheni në një qendër estetike), ju aftëson në përqëndrim dhe përmirësim të vetvetes dhe sigurisht në përmirësimin e lëkurës.

Masazhi është një mënyrë e shkëlqyer për të oksigjenuar lëkurën. Ai çliron tension në muskujt e fytyrës që ato të stimulojnë më shumë qarkullimin e gjakut. Rritje e qarkullimit të gjakut do të thotë edhe nxitje e prodhimit të kolagjenit. Oksigjen do të thotë më shumë kolagjen.

Mënyra të tjera argëtuese dhe efektive janë:

Avull me bimë, lule dhe vajra esencialë

Maska dhe kompresa të ngrohta në fytyrë

Produkte kozmetike natyrale me Multivitamina

Aplikimi i tonikut (ujit aromatik) me origjinë lulesh si Trëndafil, Livando, Rozmarinë etj. 

 

 

Shpërndajeni tonikun me goditje të lehta duke ndihmuar me mollëzave e gishtave, gjatë vetë-masazhit.

 

 Filloni të praktikoni ndonjë lloj gjimnastike (aerobi, fitness) ose joga në shtëpi, kujdesuni për ushqimin, dhe ndiqni këshillat tona mbi kujdesin ndaj lëkurës. Është e sigurt që pas një muaji gjendja juaj do të jetë shumë më pozitive.

Arbëria ®