Lulja e livandos - Vetitë dhe mënyrat e përdorimit

Arbëria 

Ky material është shkëputur nga Libri ''Bimët Mjekësore dhe Shëndeti''.

Nuk mund të kopjohet pa Autorizimin e stafit tonë!

Të gjitha të drejtat i takojnë firmës Arbëria ®

Lavandula officinalis Chaix. : Lule livandoje.

Familja: Labiatae.

Livandoja është shkurre e vogël, me gjethe të ngushta vizake, me lulesë në formë kalliri të ndërprerë. Lulet i ka me ngjyrë  bojë qielli të zbehtë deri pothuajse vjollcë.

Shkurrja e livandos arrin edhe lartësi deri në 4-5 metra. Lulëzon nga qershori deri në gusht. Lulet e livandos preferohen shumë edhe nga bletët.

Në pjesën perëndimore të bregdetit të Mesdheut rritet prej mijëra vjetësh.

Në shumë vende të botës kultivohet.

Në Shqipëri, pas një fillimi për kultivim të pakët vite më parë, tani pothuajse gjithë prodhimi i përdorur vjen nga vende të tjerë.

Pjesë të përdorshme: Lulet dhe gjethet.

Degët e lulëzuara mblidhen para se lulet të hapen plotësisht dhe thahen në hije.

Përmban: Vaj esencial, substanca të hidhura, kumarinë, flavonoide, triterpenoide, tanine, etj.

Cilësitë kryesore vepruese: neurosedative, analgjezike, antiseptike, dizinfektante, hiperemike, digjestive, karminative, antimigrenë, antispazmodike, antiastmatike, diuretike, vermifuge, etj.

Qëllimi i përdorimit:

- kundër nervave të acaruara.

- kundër stresit.

- kundër temperaturës së lartë.

- kundër  infeksioneve të rrugëve të frymëmarrjes.

- kundër marrje mendsh.

- kundër dhimbjeve të kokës.

- kundër krizave të astmës.

- kundër urinimit të pakët.

- kundër leukorresë.

- kundër pezmatimit të zorrëve (enterit).

- kundër histerisë.

- pas paralizave.

Përdorim i jashtëm:

- në plagë.

- në djegie.

- në forcimin e flokëve.

- në ekzema.

- në leukorre.

- në pickime insektesh.

Bima e freskët ose vaji esencial përdoret në hidroterapi dhe në aromaterapi.

Mënyra e përdorimit:

- Në formë çaji: Një lugë kafeje me lule e gjethe të thara, ose dy lugë kafeje me lule e gjethe të freskëta në 150 ml. ujë të nxehtë, më mirë në një enë balte ose porcelani, i lëmë 10 minuta në qetësi, pastaj kullojmë çajin, e ëmbëlsojmë me mjalt ose sheqer dhe e pimë ngadalë, ende të ngrohtë. Mund të pimë tre filxhanë çaji në ditë.

Më shumë informacion rreth kësaj bime gjeni në librin ''Bimët Mjekësore dhe Shëndeti''.

Këtë libër dhe lulen e Livandos, i gjeni në dyqanin Bimë Mjekësore, Rruga 'Hoxha Tahsin',  30 metra larg Qendrës Stefan. Hapur nga e Hëna - Shtunën ora 12:00 - 19:00.

Ju mirëpresim të gjithëve!